Íslensk málstefna á öllum sviðum

Fyrirlestraröð Íslenskrar málnefndar

Íslensk málnefnd vinnur nú að því að semja drög að íslenskri málstefnu fyrir menntamálaráðuneytið. Þetta er í fyrsta sinn sem slík stefna er mótuð með formlegum hætti hér á landi. Málnefndin hefur unnið að þessu verkefni í eitt ár og kynnti fyrstu skrefin á árlegu málræktarþingi sínu í nóvember 2007. Nefndin vill vanda sem best til verksins og ná sem mestri samstöðu um málstefnuna áður en hún verður kynnt opinberlega síðar á þessu ári. Til þess að svo megi verða boðaði hún til raðar af ellefu stuttum málþingum. Markmiðið með málþingunum var að efna til umræðu um mismunandi svið málstefnunnar og kalla fram sjónarmið hlutaðeigandi hópa. Hér eru upplýsingar um efni hvers þings:

1. Lagaleg staða íslenskunnar (25.1.2008)

2. Móðurmálið - málþing um móðurmálskennslu (málþing ÍM og Samtaka móðurmálskennara 1.2.2008)

3. Málnotkun í vísindum og fræðum (málþing ÍM og Vísindafélags Íslendinga) (15.2.2008)

4. Á íslenska sér framtíð innan upplýsingatækninnar? (málþing ÍM og Tungutækniseturs)(7.3.2008)

5. Tjáð og túlkað með íslenskum orðum (málþing ÍM, Rithöfundasambands Íslands og Bandalags íslenskra listamanna)(14.3.2008)

6. Framtíð íslenskrar tungu í fjölþjóðlegu samfélagi á Íslandi (málþing ÍM og Alþjóðahúss)(28.3.2008)

7. Íslenska í fjölmiðlum (málþing ÍM og Blaðamannafélags Íslands)(4.4.2008)

8. Íslenska í háskólum (málþing ÍM og Háskólans á Akureyri)(11.4.2008)

9.  Íslenska erlendis (málþing ÍM, Bókmenntasjóðs og Landsbókasafns Íslands - Háskólabókasafns)(18.4.2008)

10. Þýðingar, túlkun og íslensk málstefna í hnattvæðingunni (málþing ÍM, Bandalags þýðenda og túlka og Þýðingaseturs Háskóla Íslands)(9.5.2008)

11. Íslenskt mál í viðskiptalífinu (málþing ÍM, Viðskiptaráðs Íslands, Félags viðskiptafræðinga og hagfræðinga og viðskiptadeildar Háskólans í Reykjavík)(23.9.2008)